Herrian Bizi Plataformak engaiamendua hartu du 2024ko urtarrilaren 1etik goiti bigarren etxebizitza bilakatuko litaiken edozein etxebizitza publikoki salatzeko. Tokiko biztanleek herrian aloitzeko eta bizitzeko duten eskubidearen kontrako eraso zuzentzat hartua izanen da automatikoki.
StopAski kanpainak indarra hartuko du, beraz, hilabeteotan –komunikazio zabala, seinalamenduak, ekintza sinbolikoak, manifestazioak– balizko erosleei, erosteko xedea burutik kentzeko, eta legegileak eta hautetsiak bigarren etxebizitza kopurua mugatzeko neurri eraginkorrak sortzera eta hartzera bultzatzeko.
Kanpaina horren parte izan nahi baduzu esku kolpe bat emanez, zauri, otsailaren 21ean asteazkenez 19:00tan, Uztaritzeko Lapurdi gelara.
StopAski kanpainan parte hartu nahi duzu: nola egin?
Bilkurara hurbiltzeko aukera ez baduzu ere gurekin harremanetan jartzen ahal zira herrianbizi.selogeraupays@gmail.com helbidera mezu bat bidaliz.
Horrez gain herritarrak deitzen ditugu bigarren etxebizitza berri oro seinalatzera. Bigarren etxebizitzen aurkako borroka arazo kolektiboa izan behar du.
Nola egiten dut seinalatzea?
- plataformaren webguneko formulario batek sortu berri diren bigarren etxebizitzak seinalatzeko parada ematen du: www.herrianbizi.com/signalement
- telefono zentrala plantan emana izan da. Informazioa ahoz utz dezakezu zurekin harremanetan jarriko gira: 07 68 88 24 03